ઇઝરાયલે તેહરાન પર મોટો હુમલો કર્યો,ઈરાનના નેતા આયાતુલ્લાહ અલી ખામેનીની નજીક ગણાતા અલી શાદમાનીનું મોત થયાનો દાવો

ઇઝરાયલે તેહરાન પર મોટો હુમલો કર્યો,ઈરાનના નેતા આયાતુલ્લાહ અલી ખામેનીની નજીક ગણાતા અલી શાદમાનીનું મોત થયાનો દાવો

ઇઝરાયલી સેનાએ ઇઝરાયલ પર મોટો હુમલો કરવાનો દાવો કર્યો છે. અલ જઝીરા ન્યૂઝ અનુસાર, ઇઝરાયલી સેનાનું કહેવું છે કે તેણે તેહરાન પર થયેલા હુમલામાં ઇરાનના સુપ્રીમ લીડર આયાતુલ્લાહ અલી ખામેનીના નજીકના સહયોગી અને IRGC (ઇસ્લામિક રિવોલ્યુશનરી ગાર્ડ કોર્પ્સ) ખાતમ-અલ-અંબિયા સેન્ટ્રલ હેડક્વાર્ટરના વડા અલી શાદમાનીને મારી નાખ્યો છે.

ઇઝરાયલે દાવો કર્યો છે કે તેણે ઇરાનના ટોચના લશ્કરી કમાન્ડર અલી શાદમાનીને મારી નાખ્યો છે. શાદમાન ‘ખાતમ-અલ-અંબિયા સેન્ટ્રલ હેડક્વાર્ટર’ના વડા હતા. ઇઝરાયલી લશ્કરી પ્રવક્તાના જણાવ્યા અનુસાર, શાદમાન ઈરાનના “સૌથી વરિષ્ઠ લશ્કરી કમાન્ડર” હતા અને ઈરાનના સર્વોચ્ચ નેતા આયાતુલ્લા અલી ખામેનીના સૌથી નજીકના હતા. આ દાવા પર હજુ સુધી ઈરાન તરફથી કોઈ સત્તાવાર પ્રતિક્રિયા આવી નથી. નોંધનીય છે કે શુક્રવારે ઇઝરાયલે ભૂતપૂર્વ કમાન્ડર ગુલામ અલી રશીદ, જે તે જ પદ પર હતા, તેમની હત્યા કર્યા બાદ અલી શાદમાનીને તાજેતરમાં આ પદ પર નિયુક્ત કરવામાં આવ્યા હતા.

તેહરાન જોરદાર વિસ્ફોટોથી હચમચી ગયું, ઈરાને પણ વળતો જવાબ આપ્યો

તેહરાનમાં જોરદાર વિસ્ફોટોથી શહેર હચમચી ગયું છે અને તેલ અવીવમાં હવાઈ હુમલાના સાયરન વાગવા લાગ્યા છે. દરમિયાન, ઈરાને પણ જાહેરાત કરી છે કે તે ઇઝરાયલી ભૂમિ પર અત્યાર સુધીનો સૌથી મોટો અને સૌથી તીવ્ર મિસાઇલ હુમલો કરવાની તૈયારી કરી રહ્યું છે. ઈરાને મિસાઇલ હુમલાની ચેતવણી આપ્યાના થોડા સમય પછી તેલ અવીવ અને પશ્ચિમ જેરુસલેમ પર જોરદાર વિસ્ફોટો સંભળાયા હતા.